പ്രണയം ഒരു സ്കാൻ റിപ്പോർട്ട്

(കവിത)

രചന : ബാലകൃഷ്ണൻ മൊകേരി

മാളിൽ നിന്നിറങ്ങുമ്പോൾ,

ചലിക്കും പടികളിലുറച്ചുനില്ക്കെ

ഇരുതോളിലും കൈവെച്ച്

കണ്ണിലേക്കുറ്റുനോക്കി അവൾ ചോദിച്ചു

എന്നെ എന്തു മാത്രം ഇഷ്ടമാണ്?

ക്ലീഷേയിൽ മനം പിരട്ടിയെന്നാലും

അവൾക്കെൻ്റെ നെഞ്ചു പിളർന്നു കാട്ടി,

നോക്കൂ ഇതിൽ നിറയെ നീയാണ് !

തുറന്ന നെഞ്ചകത്തെ മാണിക്യക്കല്ലെടുത്ത്

അവൾ സ്വന്തം വഴിക്കും

പിളർന്ന നെഞ്ച് തുന്നിക്കൂട്ടാനായി

ഞാനാശുപത്രിയിലേക്കും വഴി പിരിഞ്ഞു !