പുതു വത്സരം
ഒരു വന്മരം കടപുഴകി വീണാലെന്താ-
ണൊരു തുച്ഛമാം വിത്തുണ്ടപ്പുറം മുളയ്ക്കുന്നൂ...
അതിനും വഴിപോലെ വളരാനാകാശവും
ഭൂമിയുമൊരുക്കുവാനിത്തിരി നേരം കാണാം
കുഞ്ഞനാം തൈയും വളര്ന്നുയരും,ഇലച്ചാര്ത്തില്
പൂക്കളാലലങ്കാരത്തോരണങ്ങളും തൂക്കും
അതിലും കിളിയെത്തിക്കൂടുകള് കൂട്ടും, കുഞ്ഞു-
ചുണ്ടുകളുതിര്ക്കുന്ന സംഗീതമുയര്ന്നീടും
വീണ വന്മരം നൂറു നന്മകള് നിറഞ്ഞതാ-
ണതിലും നന്നായ് വളര്ന്നീടുമീ ചെറു തൈയും
പോയകാലത്തിന്നോര്മ്മ നല്ലതു, പക്ഷേ, പുതു-
വത്സരത്തിനായുള്ളിന് കതകു തുറക്കുക !
ണൊരു തുച്ഛമാം വിത്തുണ്ടപ്പുറം മുളയ്ക്കുന്നൂ...
അതിനും വഴിപോലെ വളരാനാകാശവും
ഭൂമിയുമൊരുക്കുവാനിത്തിരി നേരം കാണാം
കുഞ്ഞനാം തൈയും വളര്ന്നുയരും,ഇലച്ചാര്ത്തില്
പൂക്കളാലലങ്കാരത്തോരണങ്ങളും തൂക്കും
അതിലും കിളിയെത്തിക്കൂടുകള് കൂട്ടും, കുഞ്ഞു-
ചുണ്ടുകളുതിര്ക്കുന്ന സംഗീതമുയര്ന്നീടും
വീണ വന്മരം നൂറു നന്മകള് നിറഞ്ഞതാ-
ണതിലും നന്നായ് വളര്ന്നീടുമീ ചെറു തൈയും
പോയകാലത്തിന്നോര്മ്മ നല്ലതു, പക്ഷേ, പുതു-
വത്സരത്തിനായുള്ളിന് കതകു തുറക്കുക !