ഇന്ത്യയെ കണ്ടെത്തല്‍
ചക്രയാനം
കാലമേറെയായ് നമ്മള്‍ നമ്മളെപ്പറ്റിത്തന്നെ
തര്‍ക്കമുന്നയിക്കുന്നൂ, വാദങ്ങള്‍ നിരത്തുന്നു !
അണുമാത്രവും വിട്ടുകൊടുക്കാതൊരായിരം
യുക്തികള്‍,കുയുക്തികള്‍ നിരത്തിത്തൊടുക്കുന്നു
വാക്കുകള്‍ തമ്മില്‍ത്തട്ടി സ്ഫോടനം നടക്കുന്നൂ,
ഭൂമിയു,മാകാശവും ജ്വാലകള്‍ ഭരിക്കുന്നു !
ഒടുവില്‍ നിന്‍വാദങ്ങള്‍ ശരിയെന്നോതുന്നൂ ഞാന്‍,
നീ പറയുന്നൂ, ശരി,യെന്റെ വാദങ്ങള്‍ തന്നെ !
പിന്നെയും നമ്മള്‍ തുടര്‍ന്നീടുന്നൂ വാഗ്വാദങ്ങള്‍,
ജീവിതമതിന്‍ ചക്രയാനങ്ങള്‍ തുടരുന്നൂ !
