ലിസ്റ്റ്

ബാലകൃഷ്ണൻ മൊകേരി.

ഞാനെഴുതിയ

പട്ടികയിൽ

എല്ലാരുടെ പേരും ഉൾപ്പെടുത്തിയതാണ് !

സ്ഥാനപ്രശ്നം ഒഴിവാക്കാൻ

നാരായണ ഗുരു ചെയ്തതു പോലെ

ഒരു വലിയ വട്ടം വരഞ്ഞ്,

സൂര്യന്റെ ചിത്രം വരയുമ്പോലെ

എല്ലാ പേരും കുത്തനെ

എഴുതിയതാണ്.

എന്നിട്ടും

പ്രിന്റിൽ വന്നപ്പോൾ ,

വൃത്തത്തിന് നടുവിലെഴുതിയ

എന്റെ പേരു മാത്രമേ

തെളിഞ്ഞു കാണുന്നുള്ളൂ.!

കവികുലഗുരുവാണ് സത്യം ,

ഇക്കാര്യത്തിൽ

ഞാനൊരു പിപ്പിടിയും കാണിച്ചിട്ടില്ല !