ഗൃഹാതുരം-1
-ബാലകൃഷ്ണൻ മൊകേരി
പാഠശാലയിൽ പോകും വഴിയിൽ
പാഞ്ഞുപോകുന്ന നീര്‍ച്ചാലിൽനിന്നും
കുഞ്ഞുമീനിനെത്തേവിയെടുത്താൽ,
കൂടെനില്ക്കുന്ന ചങ്ങാതിയല്ലോ!
ചിങ്ങമാസപ്പൊടിമഴവന്നാൽ,
ചില്ലയിൽ വെയിൽപ്പൂക്കള്‍ നിരന്നാൽ,
പൂവുതേടുന്ന ഞങ്ങളെത്തേടി
പാഞ്ഞുവന്നൂ,കുടയുമായ് നീയും !
ഇപ്പുറത്തെ,ത്തറവാട്ടിൽനിന്നും
ഇറ്റുമോര,ന്നുറവയൊഴിക്കാൻ
പാത്രമായ് വന്നു നീ,നിന്നെ ഞങ്ങള്‍
പാഴ്മറവിക്കു വിട്ടുനല്കില്ല !
*********************
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ